🔸لاحول ولاقوّة إلّا بالله😖،سلام عليكم سيد✋🏼
🔹 وعليكم السلام ، شكلك مو مهدّي اليوم ... خير إن شاء الله ؟ 🧐
🔸إي بصراحة قهرني أحد الجيران في الجامعة ... 😕
🔹 ويش صار بالضبط ؟
🔸 كنّا مسويين حفلة مفاجأة حق واحد من الشباب في غرفتنا بمناسبة تخرجه ... 🥳🥳
🔹 خوش
🔸وبعدين جا واحد من الجيران ودق باب الغرفة وقال "ازعجتونا ترى ورانا اختبارات ونبي نذاكر !!" 😤
🔹طيب وويش قلت له ؟
🔸حاولت أقولّه أنّ احنا مو مطولين ، شغلة نص ساعة بس نبي نفرح في صاحبنا وبنخلّص ... 😟
🔹حلو ، وويش رد عليك ؟
🔸 ما وافق وقال إذا ماتوقفوا بشتكي عليكم 😣 عاد أنا سكّرت الباب في وجهه وقلت للشباب يكملوا وإذا الجار بيشتكي خله يشتكي 👊🏼 ، تهون المخالفة بس أهم شي نفرح بصاحبنا 😎💪🏼
🔹انتبه عزيزي انتبه !! ولاياخذك الحماس واجد ⛔️
🔸 بس ماسوّيت شي غلط ياسيّد😟 ! احنا قاعدين نتقرّب لله بواحد من أفضل الأعمال وهو إدخال السرور على قلب المؤمن !!! 🙁
🔹 وأذيتك لجارك ؟ 🧐
🔸 عاديّة ذي سيّد 😅 ياما سوّينا شغلات أعظم من ذي في الجامعة 🙃
🔹 حذاري من الإستهانة بالذنوب ياولدي حذاري ⛔️⛔️
🔸 أي ذنب سيدنا الله يرضى عليك ؟؟ 😰
🔹 ذنب *الإضرار بعباد الله* ... ورد عن الإمام الصادق عليه السلام عن النبي صلى الله عليه وآله
👈🏼 *خصلتان ليس فوقهما من الشر شيء*
1️⃣ *الشرك بالله*
2️⃣ *والإضرار بعباد الله*
👈🏼 يعني، إذا انت تضر بالمؤمن هذا بمستوى الشرك بالله ‼️
🔸بل بل 😱 والله مادريت ، طلع السالفة مافيها مزح ، شرك بالله مرة وحدة عاد 🥺
🔹 اعتذر من جارك واستغفر الله والله غفور رحيم 🌷
🔸إن شاء الله ، تسلم ياسيّد ماقصّرت 💐
🔹 العفو 😊
🔸 سيد ممكن تكمّل الأدلة أو المنطلقات اللي تفرض علينا منهج المسالمة ، أمس ذكرنا واحد بس ، وهو *بقاء المنهج الإمامي*
🔹 واليوم ذكرنا الثاني 😊
🔸مايصير 😦، متى جبنا طاري منطلقات ؟؟؟
🔹*حرمة الإضرار بالمؤمن* هو ثاني دليل أو منطلق يفرض علينا منهج المسالمة 😊🌷
🔸أوكييه 😅
🔹 فهمت ولّا تحتاج تفصيل ؟
🔸 أحس وصلت الفكرة ، بس بيني وبينك بعدها ماركبت في راسي شلون أنا والشباب ارتكبنا ذنب يوم كمّلنا الحفلة عشان نفرّح صاحبنا وسحبنا على الجار؟؟؟🤨
🔹 معناتها ماوصلت الفكرة 🙂
🔸 ما أعرف ألقطها وهي طايرة للأسف 😅
🔹طيب ... لازم نفهم ياولدي أن *العبادة عشان تكون عبادة لازم مايكون فيها ضرر على إنسان آخر .* 😊
🔸خلاص خلاص وضحت 👍🏼
🔹 بديت تلقطها وهي طايرة 👍🏼😏
🔸إي الحمدلله 😇
🔹 فنختم نقطة اليوم ونقول : أهل البيت سلام الله عليهم أكّدوا على حرمة الإضرار بالمؤمن وهذا الإضرار يعد من الكبائر ، *فإذا واحد كان عنده مشروع وقال أنا مشروعي عبادي ، وهذا المشروع فيه إضرار بالمؤمنين فمشروعه مايلتقي مع الأهداف اللي أكدوا عليها أهل البيت سلام الله عليهم، وإذا لزم من تصريحي في أي وسيلة إعلانية أو كتاب أو موقع إضرار بمؤمن ولو في بلد آخر أكون أنا قد دخلت تحت هذه الجملة «لا ضرر ولا ضرار بمؤمن».*
انتظرونا في الحلقة القادمة 🕐 .....
ليست هناك تعليقات:
إرسال تعليق