حوار حول منهج المسالمة والتقيّة - ٤

 ✦ ها كيف كان وقع السبعة البارحة عليك أنت وربعك 😂😛؟ ياخي فشّلتونا قاعدين تتخانقوا زي الأطفال في الملعب  🤣🤣

🔸 خلّك ساكت أحسن لك 😠

✦ سبعة ياحبيبي سبعة ، لو أنا منّك أعتزل الكورة، ياشيخ مسخرناكم تمسخر ، لو كان الملعب فاضي أتوقع النتيجة بتكون أقل 😂😂

🔸يعني ماب تسكت ها ؟ 

✦ لا مابسكت 😛😛

🔸ما ألومك متعوّد من سنين على الهزايم ومنصرع بهالفوز اللي جاكم بالغلط 😒

✦ أقول أوصصص 🤫، بيكتب التاريخ أن احنا كسرنا خشومكم بسبعة يافريق الهياط  🤣🤣 

🔹 سلام عليكم 

🔸وعليكم السلام سيّد 

✦ وعليكم السلام سيّد ، أنا أستأذنكم ... في أمان الله 👋🏽 

🔸روح راحت روح ابليس 🤬 

✦ وانت الصادق راحت الروح الرياضيّة حق ناس وناس بسُباعيّتنا الأليمة 🤣🤪 يالله باي 👋🏽 

🔸أستغفر الله ... روح بس روح 🤮 😖

🔹هدّي عزيزي هدّي

🔸 شلون أهدّي ياسيّد وهو قاعد من مساعة يغلط ويتمسخر عليي 😩

🔹بما أنّه يحاول يستثيرك ويستفزك فأفضل جواب منّك يكون أنّك تحافظ على هدوئك 🙂

🔸هو أنا أدري أنّ "الحِقران يقطّع المصران" مثل مايقولوا بس مساعة ماحسّيت بروحي وانفعلت 🤦🏼😓 

🔹ماعليه، اعتبره درس ودرّب روحك في المرّات الجايّة على انّك ماتنفعل بسرعة  🌷

🔸أبشر ياسيد 👌🏽 

🔹طيب ماقلت لي مين هذا الشخص وويش سالفة السُباعيّة اللي كان يتكلم عنها ؟ 🤔

🔸 هذا واحد من الطلّاب ياسيّد ، لعبنا ضدهم البارحة مباراة في كأس معالي مدير الجامعة وفازوا علينا ٧ صفر  😕💔 

🔹 حظ أوفر إن شاء الله 😊🌷 ، بس ويش كان سبب خسارتكم بهالنتيجة الكبيرة فعلاً ؟ 

🔸 إيييه ياسيّد لا تفتّح الجروح☹️ ،صارت لنا سالفة تقهر البارحة، وهي كانت السبب في الهزيمة 💔

🔹شاللي صار ؟ 🧐

🔸في عندنا ثنين من شباب الفريق ( مرتضى وقاسم ) كان بينهم خلاف قديم وصلت فيه المواصيل إلى الضرب 😑 وعاد أمس قبل المباراة بشوي واحد من الفريق  (نوح ) تخانق مع مرتضى 👊🏼

🔹لاحول ولا قوّة إلا بالله 

🔸نوح ومرتضى ثنينهم دفاع وفي البداية ماكانو راضيين يلعبوا المبارة ويا بعض وبالموت أقنعناهم يلعبوا😪 ...  أثناء المباراة نوح غلط غلطة تسببت في هجمة مرتدّة للخصم ⚽️

🔹 سجلوا منها هدف ؟ 

🔸لا الحمدلله جت في العارضة ، بس بعد الهجمة مرتضى الله يهداه استلم نوح تهزيء من فوق لتحت 🤭

🔹لاحول ولاقوّة إلّا بالله ، ونوح ويش كانت ردّة فعله؟  

🔸 ظل ساكت ! 😶

🔹خوش

🔸 بحسب معرفتي بنوح استغربت ياسيّد أنّه ظل ساكت وكنت متوقع أنّه بيرد على مرتضى ... وصحيح بين الشوطين لمحته من بعيد كان قاعد يكلم قاسم على جنب 🗣

🔹قاسم هو اللي كان متخاصم مع مرتضى من قبل ؟؟؟ 

🔸إيه بالضبط ، بعدها بدقايق بس ... شبّت النار من جديد بين قاسم ومرتضى 🔥 

🔹والسبب ؟ 

🔸نوح هو السبب ، عرفنا بعدين أنّه أحدث نميمة بين مرتضى وقاسم  🤷🏽 

🔹لاحول ولا قوّة إلا بالله 

🔸واللي صار ياسيّد أنّ شبابنا تخانقوا في وسط الملعب قدام فريق الخصم والجمهور 🤦🏼 

🔹موقف مخجل الحقيقة 😧

🔸جداً ، مرتضى وقاسم انسحبوا والكابتن طرد نوح من الفريق ، فلعبنا شوط كامل ناقصين ثلاثة لاعبين ، ثنين منهم مدافعين تخيّل! ، وكذا ياسيّد ضعفت همّتنا وانكسرت هيبتنا وخسرنا💔 

🔹 يعني الخلافات هي كانت سبب هزيمتكم ؟ 

🔸أكيد طبعاً ، صدقني ياسيد فريق الخصم ماعندهم شي احنا كنّا مسيطرين على المباراة في الشوط الأول !😕

🔹 حظ أوفر إن شاء الله ، والحمدلله أنّك مُدرِك لسبب الهزيمة 👍🏼

🔸خل نسكّر موضوع المباراة ياسيّد، كل ما أذكر اللي صار يضيق صدري وأنقهر أكثر 💔😬 

🔹 لا ... بنكمّل في نفس الموضوع لأن استنتاجك لسبب الهزيمة مهم وهو أحد الأدلّة والمنطلقات اللي تفرض علينا منهج المسالمة 😊

🔸 أمّا عاد 😳 تقصد الإختلاف بين اللّعيبه 😅 ؟ 

🔹 أقصد * حفظ المجتمع الإيماني عن الاختلاف* 😊 

🔸 فهمت عليك 👍🏼😎

🔹 واضح أنّ كابتن فريقكم يحب يشوف لاعبي الفريق متآلفين ... 

🔸إيه هالكبتن حبيب 😍، علطول يعزمنا في بيتهم ويقول نتجمّع باستمرار عشان نقوّي علاقتنا أكثر ونفهم بعض أكثر و نقلل من سوء الفهم بيننا 👌🏽

🔹تدري ياعزيزي أنّ هذا أيضا هدف من أهداف أئمتك سلام الله عليهم 

🔸سلام الله عليهم ❤️

🔹 من أهداف الأئمة أن يبقى المجتمع الإيماني متآلف و مترابط 🌷

🔸آها  ، طيب شلون صار هالهدف هذا دليل أو منطلق يفرض علينا منهج المسالمة ؟؟ 🤔

🔹 الأمر واضح ، لمّا يكون هذا هدف أساسي من أهداف الأئمّة فلازم كل واحد فينا يحافظ على هذا الهدف فمب من حقّي أن أصرح بأي شيء أبيه حتى لو استلزم هالشي فرقة الكلمة وتناحر الناس واختلاف الصفوف ، بس عشان أثبت مشروعي أو أثبت أفكاري ولا أهتم حتى لو تعرض المجتمع الإيماني إلى اختلاف وإلى فرقة وإلى ما شابه ذلك

🔸فهمت كلامك  👍🏼 ، صحيح هالشي بيخلّي المجتمع ضعيف ويمكن ينهزم بالرّاحة بسُباعيّة 🙃 

🔹إذاً عزيزي الألفة و وحدة المجتمع الإيماني هدف مهم و مشاريعي ومشاريع أي مسلم ماهي أهم من وحدة كلمة المسلمين ومن تآلفهم ومن ترابطهم مهما بلغت هالمشاريع 😊