حوار حول منهج المسالمة والتقيّة - ٩

 🔹 سلام عليكم 👋🏽 

🔸 وعليكم السلام سيّد حياك الله معليش كنت مندمج ويّا الكتاب وما انتبهت لك 😅 

🔹 يبدو أنّك قارئ نهم وتقرأ في مواضيع مختلفة 😊

🔸 لااا 😅 وينك ووين ياسيّد 🤦🏼 هذا الكتاب حق مادّة ندرسها في الجامعة واضطرّيت أقراه لأنّ بكرة عندنا اختبار قصير والدكتور ماأرسل لنا شرائح العرض 👎🏼😑

🔹 يبدولي من عنوان الكتاب أنّ هذي المادّة تتكلّم عن الأمم المتحدّة ومواثيقها صحيح؟ 🤔

🔸 بشكل عام تتكلّم عن العلاقات بين الدوَل ، وفي جزء منها عن تاريخ الأمم المتحدة وعن بعض الإتفاقيات اللي تصير بين دول العالم 😄

🔹 خوش 

🔸 مادام جبت طاري المادّة ياسيّد ، قبل شوي وأنا أقرأ في الكتاب لفتني موضوع وجا في بالي تساؤل 🤓

🔹 تفضّل اطرحه وإن شاء الله نوفق لإفادتكم 

🔸 في جزئية تتكلم عن حق المجتمع في تقرير مصيره ، وأنّ هالشي واحد من مبادئ القانون الدولي الأساسيّة ... 

  

🔹طيب وويش التساؤل اللي خطر في بالك ياولدي؟ 🧐

🔸يعني قعدت أقول الحين احنا الشباب - اللي نمثّل شريحة كبيرة من المجتمع الشيعي - مايحق لنا نحدد مصير مذهبنا🤨 ؟ ونحدّد مثلاًإذا يكون منهج المذهب منهج تقيّة أو غير تقيّة ؟ 🧐

🔹تخيّل معاي ياولدي لو فتحنا الباب لكل واحد يقرر اللي يبيه ، وخصوصاً في هالزمن اللي صار فيه الإعلام مفتوح .. النتيجة أنّ كل واحدبيطرح اللي يبيه من مشاريع ونظريات وأفكار حتّى لو استلزم هالطرح اختلال الوضع الشيعي وحصول الأضرار والأخطار على المجتمعالشيعي ، فتخيّل معاي لو نستمر في مثل هالوضع ٢٠ سنة ، كل واحد يطرح أفكاره ولا يهمه الآخرين ولا تهمّه المجتمعات الثانيّة ، ويشبتكون النتيجة ؟ 🤔

🔸 فوضى X فوضى ، والمجتمع بيصير غابة كل واحد فيها ياكل الثاني 😐  طيب ويش الحل إذاً ياسيّد ؟ 🤨

🔹 لازم هذي الأمور تكون بيد المراجع ياولدي ...  *المرجعيّة هي اللي تقرر إذا منهجنا منهج التقية أو الإذاعة* ، المرجعيّة ياولدي هي الليتقرر ويش هو المذهب؟ ويش هي مبادئه؟ ويش هي أصوله؟ وويش هي مقرراته؟ هذي الأمور ماهي بيد القنوات الفضائية ولا بيد الخطباء ولاالرواديد ولا المعمّمين.. 

🔸 أوكييه تمام 👍🏼

🔹فمو من حق أي شخص ياولدي - باستثناء مقام المرجعية - أنّ يقرر أمور المذهب، لأنّ اللي يمثل المذهب وبيده القرار في هذي الأمور هوموقع المرجعية وهالشي تعلمناه من الإمام الحسين سلام الله عليه اللي ورد عنّه :

👈🏼 *”مجاري الأمور بيد العلماء ... “* 

🔸 تمام واضح ، 👍🏼 انزين وشلون نجاوب على اللي يقولوا أن التقيّة نفاق وازدواجيّة ؟ 

🔹 المفروض أنت اللي تجاوبني عزيزي ، نسيت اتفاقنا ؟ 😏

🔸 أوه طيب 😅، أنا أتوقّع أنّ بعضهم يقول كذا لأنّ مب فاهم فلسفة التقيّة وانها تقديم الأهم على المهم ، يعني أنا أشوف إنّي من كلامكياسيّد التقيّة ماعلمتني على النفاق ، أبداً ، بل أنها علّمتني تكون أهدافي أكبر وعلّمتني إنّي احترم الآخرين ☺️

🔹 جميل ياولدي ، إذا نلخّص الإجابة بشكل أدق  ونقول أنّ *التقية تربي الفرد الشيعي على مراعاة المصالح العامة للمجتمع الإسلامي*،وأنّه يقدّمها على الخلافات الفرعية - لاحظ أقول الخلافات الفرعيّة يعني *مافي تقيّة مثلاً في الإمامة لأنها أصل من أصول المذهب* -،وعشان كذا ياولدي تشوف  أن الشيعة في كل زمان هم من أكثر الطوائف إخلاصًا للإسلام، وتضحية وعطاء في سبيله ، بالإضافة إلى أنّ*التقيّة تربّينا على احترام الرأي الآخر*. 😊

🔸 الله يعطيك العافية سيد ماقصّرت 🙏🌷

🔹 الله يعافيك عزيزي ، باقي عندك أسئلة ؟ 

🔸 أدري طوّلت عليك ، بس باقي عندي سؤال ☺️

🔹 نخلّيه ليوم الغد وإن شاء الله نكون بخدمتكم 🌷