🔸سلام عليكم سيدنا ، شخبارك ؟
🔹وعليكم السلام ، حياك الله ولدي
🔸سيد ، أنا بصراحة سمعت من أحد المشايخ كلام وكلامه خوفني شوي
🔹 لايكون الكلام عنّي ؟
🔸 لا لا سيد مالك دخّل 😂
🔹خوش ، انزين متأكد خوّفك شوي ؟ شكلك يقول أنّك خايف أكثر من شوي ..
🔸 إذا تبي الصراحة خفت شويتين 😂
🔹 إي الحين عدل 😉 طيّب ، ويش كان يقول ؟
🔸كان يحذّر أنّ الواحد إذا كان عنده تساؤلات أو شبهات يتركها ولايهتم فيها ، ومان يقول أنها راح تسبب له مشاكل كبيرة وأنّ بعض الملحدين كذا كانت بدايتهم
🔹كلام لطيف
🔸انزين سيّد أنا عندي تساؤلات وبعض الشبهات لو سمحت أبيك تجاوبني عليها وتحمّلني 🙏
🔹على الرحب والسعة وأنا خادم
🔸سيد صدّقني أنا احترت ، تقولوا لنا عرفوا الناس و ادعوهم لولاية أهل البيت سلام الله عليهم وإذا تكلّمنا وصرّحنا عن اللي نؤمن ونعتقد فيه علانية في القنوات ومواقع التواصل قامت القيامة علينا وقلتوا فتنة فتنة !! 😒انزين وبعدين ياسيّد ؟؟😣
🔹الحل انّك تهدّي اعصابك وتركّز وياي في الكلام ... 🙂
🔸إن شاء الله 😅
🔹هدت أعصابك ؟ 🤔
🔸إي هادية ع الآخر صدّقني 😄
🔹زين ، عزيزي في فكر مدرسة أهل البيت سلام الله عليهم عندنا نهج ننتهجه إذا جينا نبي ندعو النّاس ونعرّفهم بمذهب أهل البيت سلام الله عليهم ، وهذا النهج نطلق عليه اسم *" نهج المسالمة "* ...
🔸مساومة ؟؟؟ 😯
🔹لا ... مسالمة ، يعني عكس مصادمة ،
👈🏼 نهج المسالمة هو نهج نستخدمه في *عرض مذهب أهل البيت على الناس بمختلف مذاهبهم* ،
ويرتكز هالنهج على شغلتين ✌🏼 :*العلم والأدب*
يعني نبيّن لهم منهج أهل البيت بطريقة *علميّة وموضوعيّة* تعتمد فيها على البراهين الثابتة وتلتزم فيها بأدب الحوار مع الآخر 😊
🔸انزين سيد كلامك جميل ، وأدري أنّك بتقول أنّ هذا هو المنهج الصح والمناهج الثانيّة غلط ... بس معليش سيّد أنا أبي دليل يقنعني 🤷🏽
🔹ويش قلت لك في البداية ؟ 🤔
🔸أركّز وياك 😎
🔹قبلها ؟
🔸أوكيه أوكيه ، بهدّي بهدّي 😅😅
🔹تمام ، بسألك سؤال ؟ أنت بترولي صح ؟
🔸ها 😮.. شدرّاك سيدنا ؟ إيه بترولي 😁
🔹سيماهم في وجوههم 😂
🔸من أثر الكرف ياسيّد 😂💔
🔹😂😂 ، طيّب سؤال ،
لو يوم من الأيام بعثتك الجامعة إلى مؤتمر علمي عشان تطرح نظريّة عن موضوع معيّن وكان في المؤتمر طلّاب من جامعات ثانيّة وعندهم نظريات عكس نظريتك تماما لكنها عن نفس الموضوع ... قولّي كيف راح تتعامل مع هذيلي المنافسين ؟
🔸إذا تبي الصراحة ياسيّد يعتمد ، بشوف نظرياتهم و بحاول أطلّع نقاط الضعف اللي فيها وأبيّنها بأسلوب مقنع كذا مثل أسلوبك 😆
🔹طيب ، لو قالت لك لجنة المؤتمر أنّ نظريتك فاشلة ولا ترقى لمستوى بقيّة النظريات ويش راح تكون ردّة فعلك ؟ 🤔
🔸 ولا شي 😅
🔹 معقولة ؟ 😯
🔸 ايه يمكن ☺️
🔹 ماراح تقول لهم مثلا أنتو بقر ماتفهموا ولو كان عندكم ذرّة عقل مافرّطتوا في نظريتي وأنتو بس تبو تحطموا مواهب العرب يامجرمين ... 🤬
🔸لا لا سيد ... ويش شايفني ماتوصل لهالدرجة عاد 😬
🔹ليش ؟
🔸عندي روح رياضيّة وعادي أقبل الهزيمة أنا ياسيّد 😂💪🏼
🔹 بارك الله فيك 😂
🔸لا بصراحة سيدنا ، أنا هناك بكون ممثل لجامعتي ، فلمّا بقعد أكلمهم بهالطريقة بشوّه سمعة الجامعة بسبب هالموقف الغير أخلاقي ويمكن الجامعة تعاقبني لأنّ في ناس تدوّر الزلّة على الجامعة وطلّابها خصوصاً مع تألقها ...😌
🔹ياعيني عليك بديت تفهم عليي 💯 ... نرجع لموضوعنا
👈🏼فلمّا احنا ننتهج منهج المسالمة (الأدب والعلم ) في التعريف بمذهب أهل البيت ... احنا هنا *نعكس صفاء عقيدتنا ونقاء مذهبنا* لأنّ احنا استندنا لبراهين وأدلّة ثابتة ،*وبالتزامنا بأدب الحوار* نعكس أخلاق أئمتنا سلام الله عليهم ❤️
🔸كلامك حلو سيّد ، بس مو مقنع تماماً وما أحسّه جاوب على سؤالي ليش منهج المسالمة هو المنهج الصحيح دون سواه في نشر مذهب أهل البيت ؟؟؟ 🧐
🔹ماقلت لك هدّي ؟ 😊
🔸مهدّي ياسيد صدّقني 👍🏼😅
🔹بجاوب على بقيّة أسئلتك في يوم ثاني ، الحين تأخّر الوقت ، ووراك جامعة بكرة ...
🔸تكفى سيّد كمّل 😐، مستانسين وياك 🤩
🔹أنت مستانس لكن يمكن الشباب اللي بترسل لهم حوارنا زهقانين من طول الحوار🙃 ، لذلك نكمّل الحوار في يوم لاحق وأبيك تتفكّر في هالروايتين 👇🏼
روي عن الإمام الصادق عليه السلام أنّه قال :
*رحم الله عبداً حبّبنا إلى الناس ولم يبغّضنا إليهم ، أما والله لو يروون محاسن كلامنا لكانوا به أعز وما استطاع أحد أن يتعلق عليهم بشيء*
وقال في رواية أخرى:
*لو عرف الناس محاسن كلامنا إذاً لصدّقونا واتّبعونا*
انتظرونا في الحلقة القادمة 🕐 .....
ليست هناك تعليقات:
إرسال تعليق